వినాయకుడి ఆశీస్సులతో విఘ్నాలు తొలగాలి ప్రజలకు వినాయక చవితి శుభాకాంక్షలు తెలిపిన పొలాస నరేందర్

వినాయకుడి ఆశీస్సులతో విఘ్నాలు తొలగాలి

ప్రజలకు వినాయక చవితి శుభాకాంక్షలు తెలిపిన పొలాస నరేందర్

తెలంగాణ అడ్డా ప్రతినిధి, వేములవాడ:

వినాయక చవితి పర్వదినాన్ని పురస్కరించుకుని ప్రజలకు, ప్రజాప్రతినిధులకు, పార్టీ శ్రేణులకు, మీడియా మిత్రులకు, అధికారులకు మాజీ సర్పంచ్, ధర్మకర్త సెస్ డైరెక్టర్ పొలాస నరేందర్ శుభాకాంక్షలు తెలిపారు. భక్తిశ్రద్ధలతో విఘ్నేశ్వరుడిని పూజిస్తే సకల విఘ్నాలు తొలగి, జీవితంలో శుభాలు కలుగుతాయని ఆకాంక్షించారు.

ప్రతి ఒక్కరి జీవితంలో విఘ్నేశ్వరుడి ఆశీస్సులు ఎల్లప్పుడూ ఉండాలని, ప్రతి ఇంట్లో ఐశ్వర్యం, ఆనందం, శాంతి నెలకొనాలని కోరుకున్నారు. ప్రజల ప్రతి కార్యం విజయవంతం కావాలని, వినాయక చవితి పండుగను అందరూ ఆనందోత్సాహాలతో, ప్రశాంత వాతావరణంలో జరుపుకోవాలని నరేందర్ ఆకాంక్షించారు.

ప్రతి సంవత్సరం వినాయక చవితి సందర్భంగా విఘ్నేశ్వరుడి విగ్రహాలను ప్రతిష్ఠించి, ప్రత్యేకంగా అలంకరించి, నవరాత్రుల పాటు భక్తిశ్రద్ధలతో పూజలు నిర్వహిస్తారని తెలిపారు. ప్రతిరోజూ స్వామివారికి ఇష్టమైన నైవేద్యాలను సమర్పించి, ఉత్సవాల అనంతరం బాజా భజంత్రీలతో ఊరేగింపుగా తీసుకెళ్లి నిమజ్జనం చేయడం ఆనవాయితీగా వస్తోందన్నారు.

ఏ రంగంలోనైనా ఎలాంటి విఘ్నాలు ఎదురుకాకుండా శుభాలు కలగాలని కోరుతూ పని ప్రారంభానికి ముందు విఘ్నేశ్వరుడిని పూజించడం సంప్రదాయంగా కొనసాగుతోందన్నారు. పెద్ద తల, చిన్న కళ్ళు, పెద్ద చెవులు, ఒకే దంతం, పెద్ద పొట్ట వంటి విశిష్ట లక్షణాలతో కనిపించే విఘ్నేశ్వరుడు చిన్నదైన ఎలుకను వాహనంగా చేసుకోవడం ప్రత్యేకతగా పేర్కొన్నారు.

విఘ్నేశ్వరుడి ఆరాధన భారతదేశానికే పరిమితం కాకుండా ఇతర దేశాలకు కూడా విస్తరించిందని నరేందర్ తెలిపారు. ఇండోనేషియా, రష్యా, మయన్మార్, జపాన్, థాయిలాండ్ తదితర దేశాల్లో ఆయా ప్రాంతాల సంప్రదాయాలకు అనుగుణంగా విభిన్న రూపాలు, పేర్లతో గణపతిని ఆరాధించే సంప్రదాయాలు ఉన్నాయని పేర్కొన్నారు.

వినాయక పూజలో ఉపయోగించే పత్రాలకు కూడా ప్రత్యేక ప్రాధాన్యత ఉందని నరేందర్ తెలిపారు. సుమారు 21 రకాల పత్రాలను పూజలో వినియోగించడం ఆనవాయితీగా ఉందని, వాటిలో అనేక ఔషధ గుణాలు ఉన్నాయని పేర్కొన్నారు. పర్యావరణ పరిరక్షణను దృష్టిలో ఉంచుకుని మట్టి వినాయక విగ్రహాలను ఉపయోగించడం, నిమజ్జనంలో పర్యావరణానికి హాని కలగకుండా జాగ్రత్తలు తీసుకోవడం ప్రతి ఒక్కరి బాధ్యత అని ఆయన సూచించారు.

– పొలాస నరేందర్

మాజీ సర్పంచ్, ధర్మకర్త సెస్ డైరెక్టర్, వేములవాడ