కురుమ యాదవ భవన నిర్మాణానికి ప్రొసీడింగ్ పత్రాలు అందజేత

కురుమ యాదవ భవన నిర్మాణానికి ప్రొసీడింగ్ పత్రాలు అందజేత

బోయినిపల్లి తెలంగాణ అడ్డా, సెప్టెంబర్ 21: బోయినిపల్లి మండలం మల్లాపూర్ గ్రామంలోని హమ్లెట్ గ్రామమైన రేగులపల్లిలో కురుమ యాదవ సంఘం కమ్యూనిటీ భవన నిర్మాణానికి నిధులు మంజూరు కాగా, చొప్పదండి ఎమ్మెల్యే మేడిపల్లి సత్యం ప్రొసీడింగ్ పత్రాల కాపీలను సంఘం సభ్యులకు అందజేశారు.

ఈ సందర్భంగా రేగులపల్లి కురుమ యాదవ సంఘం సభ్యులతో ఎమ్మెల్యే మాట్లాడి భవన నిర్మాణానికి సంబంధించిన వివరాలను అడిగి తెలుసుకున్నారు. కమ్యూనిటీ భవన నిర్మాణానికి రూ.4.30 లక్షల నిధులు మంజూరైనట్లు ఎమ్మెల్యే తెలిపారు. మంజూరైన నిధులతో నిర్మాణ పనులను త్వరగా పూర్తి చేసి సంఘం సభ్యులకు అందుబాటులోకి తీసుకురావాలని సూచించారు.

భవన నిర్మాణ పనులను పారదర్శకంగా, నాణ్యతా ప్రమాణాలతో చేపట్టాలని ఎమ్మెల్యే సత్యం సూచించారు. చొప్పదండి నియోజకవర్గంలో వెనుకబడిన తరగతుల సంక్షేమానికి ప్రభుత్వం ప్రాధాన్యం ఇస్తోందని తెలిపారు. కమ్యూనిటీ భవనం కురుమ యాదవ సంఘం సామాజిక, సాంస్కృతిక కార్యక్రమాలకు ఉపయోగపడేలా ఉండాలని అన్నారు.

నిర్మాణ పనులు త్వరగా పూర్తయ్యేలా చర్యలు తీసుకోవాలని సంబంధిత అధికారులను ఎమ్మెల్యే ఆదేశించారు. గ్రామంలోని ఇతర వెనుకబడిన తరగతుల సంక్షేమానికి కూడా తగిన చర్యలు తీసుకుంటామని హామీ ఇచ్చారు.

కమ్యూనిటీ భవన నిర్మాణానికి నిధులు మంజూరు చేయడంతో పాటు ప్రొసీడింగ్ పత్రాలను అందజేసిన ఎమ్మెల్యే మేడిపల్లి సత్యంకు కురుమ యాదవ సంఘం సభ్యులు కృతజ్ఞతలు తెలిపారు.

ఈ కార్యక్రమంలో బోయినిపల్లి మండల కాంగ్రెస్ పార్టీ అధ్యక్షుడు కొమ్మనబోయిన సువీన్ యాదవ్, కురుమ సంఘం నాయకులు వట్టె పోచమల్లు, కోరే కనుకయ్య, ఆకుల అజయ్ తదితరులు పాల్గొన్నారు.