AIMIM ఉమ్మడి కరీంనగర్ జిల్లా అధ్యక్షుడిగా సయ్యద్ గులామ్ అహ్మద్ నియామకం.. నగర అధ్యక్షుడిగా మొహమ్మద్ అతిఫ్

కరీంనగర్ బ్యూరో / తెలంగాణ అడ్డ:

ఆల్ ఇండియా మజ్లిస్-ఇ-ఇత్తెహాదుల్ ముస్లిమీన్ (AIMIM) పార్టీకి సంబంధించి ఉమ్మడి కరీంనగర్ జిల్లా మరియు కరీంనగర్ నగర నూతన అధ్యక్షులను నియమిస్తూ పార్టీ అధినేత, పార్లమెంట్ సభ్యులు బారిష్టర్ అసదుద్దీన్ ఒవైసీ అధికారికంగా 'అథరైజేషన్ లెటర్' (Authorization Letter) జారీ చేశారు.

ఈ నియామకాల వివరాలు ఈ క్రింది విధంగా ఉన్నాయి:

ఉమ్మడి జిల్లా అధ్యక్షులు: కరీంనగర్, పెద్దపల్లి మరియు సిరిసిల్ల (రాజన్న సిరిసిల్ల) జిల్లాల AIMIM పార్టీ అధ్యక్షుడిగా సయ్యద్ గులామ్ అహ్మద్ (తండ్రి: సయ్యద్ నజీర్ హుస్సేన్) నియమితులయ్యారు.

కరీంనగర్ నగర అధ్యక్షులు: కేవలం కరీంనగర్ మున్సిపల్ కార్పొరేషన్ పరిధిలోని కరీంనగర్ టౌన్ అధ్యక్షుడిగా మొహమ్మద్ అతిఫ్ అలియాస్ ఆటినా నియమితులయ్యారు.

ఈ ఇద్దరు నాయకులు కేవలం తమకు కేటాయించిన ఆయా ప్రాంతాల పరిధిలోనే పార్టీ కార్యకలాపాలు నిర్వహించాలని ఆ ఉత్తర్వుల్లో స్పష్టం చేశారు. హైదరాబాద్‌లోని దారుస్సలాం కేంద్రంగా అక్టోబర్ 8, 2026 నాటితో ఈ నియామక పత్రం జారీ చేయబడింది.