ఉత్సాహంగా ఉల్లాసంగా అల్ఫోర్స్ హైస్కూల్ హుస్నాబాద్‌లో బతుకమ్మ ఉత్సవాలు.. అద్భుతంగా కొనసాగుతున్న తెలంగాణ సాంస్కృతిక సంబరాలు
కరీంనగర్ బ్యూరో / తెలంగాణ అడ్డ
హుస్నాబాద్ / కరీంనగర్,
తెలంగాణ రాష్ట్ర పండుగ అయిన బతుకమ్మ మహోత్సవాన్ని పురస్కరించుకుని హుస్నాబాద్‌లోని అల్ఫోర్స్ హైస్కూల్‌లో బతుకమ్మ సంబరాలు అత్యంత వైభవంగా, ఉత్సాహభరిత వాతావరణంలో కొనసాగుతున్నాయి. అల్ఫోర్స్ విద్యాసంస్థల అధినేత డాక్టర్ వి.నరేందర్ రెడ్డి సారధ్యంలో నిర్వహించిన ఈ వేడుకలు స్థానికంగా ప్రత్యేక ఆకర్షణగా నిలిచాయి.
భారీగా తరలివచ్చిన విద్యార్థులు మరియు తల్లిదండ్రులు:
ఈ బతుకమ్మ ఉత్సవాలకు విద్యార్థినిలు, ఉపాధ్యాయులు మరియు తల్లిదండ్రులు విశేష సంఖ్యలో విచ్చేశారు. రంగురంగుల పూలతో అందంగా తీర్చిదిద్దిన బతుకమ్మలతో మహిళలు, విద్యార్థినులు చేసిన సందడి ఎంతగానో ఆకట్టుకుంది.
సాంస్కృతిక శోభ:
తెలంగాణ సంస్కృతి, సంప్రదాయాలు ఉట్టిపడేలా సాగిన ఈ వేడుకల్లో బతుకమ్మ పాటలు, ఆటపాటలతో పాఠశాల ప్రాంగణం మార్మోగింది. భావితరాలకు మన సంప్రదాయాలను సమున్నతంగా చాటిచెప్పేలా అల్ఫోర్స్ విద్యాసంస్థల ఆధ్వర్యంలో నిర్వహిస్తున్న ఈ వేడుకలు విద్యార్థుల్లో ఉత్సాహాన్ని నింపాయి.